ზაბილონი ხუთშაბათი, 13.12.2018, 04:59
მთავარი | რეგისტრაცია | შესვლა მოგესალმები სტუმარი | RSS
საიტის მენიუ
სექციის კატეგორიები
Мои статьи [2]
სტატისტიკა

სულ ონლაინში: 1
სტუმარი: 1
მომხმარებელი: 0
შესვლის ფორმა
მთავარი » სტატიები » Мои статьи

ასოების ხმარება

თავი პირველი

 

ალგებრული გამოსახულებანი

§ 1

ასოების ხმარება

 

ალგებრაში რიცხვები ხშირად აღინიშნება არა ციფრებით, არამედ  ასოებით. მოვიყვანოთ მაგალითები.  

მ ა გ ა ლ ი თ ი 1. არითმეტიკიდან ცნობილია, რომ რიცხვთა შეკრებისას ადგილი აქვს გადანაცვლებადობის კანონს: შესაკრებთა გადანაცვლებით ჯამი არ იცვლება.

მაგალითად: 5+7=7+.5=12;  11+20=20+11=31 და-ა. შ.

როგორ ჩავწეროთ, რომ ეს კანონი სწორია არა მარტო 5 და 7 ან 11 და 20 რიცხვებისათვის, არამედ ნებისმიერი რიცხვებისათვის? მოვიქცევით ასე: ერთი შესაკრები აღვნიმნოთ a ასოთი, მეორე კი - b ასოთი. ამ რიცხვების ჯამი ჩავწეროთ ჩვეულებრივად: a + b, მაშინ შეკრების გადანაცვლებადობის კანონი ასე ჩაიწერება:

a + b = b + a.

ეს ჩანაწერი გვიჩვენებს, რომ როგორი ორი  a და b რიცხვიც არ უნდა ავიღოთ, ჯამში ყოველთვის ერთსა და იმავე რიცხვს მივიღებთ a- ს მივუმატებთ  b-ს, თუ b-ს მივუმატებთ a-ს. 

მ ა გ ა ლ ი თ o 2. ამოვხსნათ სამი მსგავსი ამოცანა: ძმა 3 წლით უფროსია დაზე. რამდენი წლისაა ძმა, თუ და არის: 1) 5 წლის? 2) 11 წლის? 3) 24,5 წლის?

მივიღებთ შემდეგ ამონახსნებს:

1) 5+3=8;     2) 11+3=14;     3) 24,5+3=27,5 .

საზოგადოდ, როგორიც არ უნდა იყოს დის ასაკი მას უნდა მივუმატოთ 3 წელი, რომ ძმის ასაკი მივიღოთ. ამიტომ ამოცანა ჩამოვაყალიბოთ ასე: ძმა 3 წლით უფროსია დაზე. რამდენი წლისაა ძმა, თუ და m წლისაა?  აქ m ასოთი აღნიშნულია დის ასაკი. მაშასადამე, ძმის ასაკი იქნება m+3  წელი. პირველ ამოცანაში m=5, მეორეში m =11, მესამეში m =24,5-ს. 

ჩვენ ამოვხსენით ამოცანა ზოგადი სახით. m+3 ჩანაწერი იძლევა ერთნაირი ამოცანების ამოხსნათა სიმრავლის ზოგად ფორმულას ან, როგორც ამბობენ, ერთგვაროვანი ამოცანების ამოხსნას, რომელთაც მივიღებთ, როცა m ასოს შევცვლით სხვადასხვა რიცხვით.

მ ა გ ა ლ ი თ ი 3. არითმეტიკის ამოცანათა კრებულებში სავარჯიშოებს შორის გვხვდება, მაგალითად, ასეთი სახის სავარჯიშო:  x+3=11. საჭიროა ვიპოვოთ x. აქ  x ("იქს") ასოთი აღნიშნულია უცნობი რიცხვი – შესაკრები; რაკი ვიცით, რომ ორი შესაკრებიდან თითოეული უდრის ჯამს მეორე შესაკრების გამოკლებით, ვიპოვით  x–ს:

x=11-3, ე.ი. x=8. აქ  x ასო აღნიშნავს რიცხვს, რომელიც ჩვენთვის თავდაპირველად უცნობი იყო და რომელიც ვიპოვეთ არითმეტიკული  წესების გამოყენებით. პირველ მაგალითში 

კატეგორია: Мои статьи | დაამატა: Zabo (14.11.2018)
ნანახია: 13 | რეიტინგი: 0.0/0
სულ კომენტარები: 0
სახელი *:
Email *:
კოდი *:
ძებნა
საიტის მეგობრები

Copyright MyCorp © 2018